Informasjon

 

Koseleg feriehus for inntil 8 personar i fiskeparadis i Ytre Gulen.

Huset ligg unikt plassert, berre 25 m frå sjøen på den fredelege øya Mjømna ytterst i Sognefjorden. Mjømna har 50 fastbuande, matvarebutikk m/mini apotek og fylling av drivstoff (400 m), leikeplass (200 m).

Staden vart knytt til vegnettet i 1993 og avstanden til Bergen er ca. 9 mil. Der er dagleg samband til-frå Bergen med ekspressbåt (75 min.).

Eigedommen er på 5 mål, ligg usjenert til og inneheld forutan huset eit eldre uthus og eige naust. Parkering ved huset.

Området kring Mjømna er svært rikt på fisk, og med alle dei idylliske øyane, holmane og vikene er det eit eldorado om ein vil kombinere fiske og naturoppleving.

Huset har nytt romsleg bad/dusj m/golv varme, velutstyrt kjøkken, stove med vedovn, 4 doble soverom, fullrenovert kjeller med bod for fryseboks/mat og vaskerom m/vaskemaskin. Hagemøblar, utegrill og redningsvestar er plassert i kjellaren.

I naustet ligg ein 15 fots båt som følgjer med i leiga. Ynskjer ein 4 hk motor til båten kan dette bestillast.

Får du ikkje fisk her, får du ikkje fisk nokon plass !!