Kolesterolsenking

- reduserer gjentetting av coronar bypass graft

Intensiv kolesterolsenking reduserer gjentetting meir enn moderat reduksjon, mens antikoagulasjon med warfarin (Marevan) ikkje har sikker langtidseffekt. Sjukdom i coronar bypass-graft kan delast i 3 faser: Ei tidleg postoperativ fase (første måned) der sjukdom er forårsaka av tekniske faktorar med tilstøytande trombotisk okklusjon; ei intermediærfase (første året) karakterisert av hyperplasi av intima; og ei sein fase med lipidrik atheromatose og tilstøtande trombose. Tidlegare studier tyder på at antikoagulasjon eller acetylsalicylsyre reduserer restenoser i første fase, og acetylsalicyl i andre fase.

I New England Journal of Medicine nr 3 1997 er det publisert ei sammenliknande studie mellom effekten av moderat lipidsenking, intensiv lipidsenking og antikoagulasjon med warfarin på langtidsresultata etter coronar bypass. 1351 pasientar var inkludert. LDL-kolesterolnivå var nytta til vurdering av lipidsenkinga.

I gruppa for moderat lipidsenking hadde ein målsetting LDL-kolesterol 3,4- 3,6 mmol per liter, og nytta lavdose lovastatin (Mevacor). I gruppa for intens lipidsenking, hadde ein målsetting LDL-kolesterol 1,6-2,2 mmol per liter og nytta lovastatindoser opp til 80 mg eventuellt kombinert med kolestyramin 8 g per dag. Det vart også gitt Warfarinbehandling og placebo. Angiografi vart nytta ved starten og etter gjennomsnittleg 4.3 år seinare.

Der var ingen forskjell i progresjon av atherosclerose mellom placebogruppa og den som fekk warfarin. Dei som fekk moderat lipidsenkande behandling reduserte faren for atherosclerose i graftet med 27%. Men ved intens lipidsenkande behandling, vart faren for atherosclerose redusert med 39%. Ein påviste ikkje regresjon av atherosclerose som fans ved starten på forsøket.

I ein leiarartikkel vert det understreka at det framleis er indisert med acetylsalicylsyre for å forebygge tidlege tromboser og at det trengs fleire studier med nyare antitrombotiske strategiar som kombinasjon av plateinhibitor (salicyl eller ticlopidine) med moderat dosert antikoagulasjon med warfarin.

Skriv i gjesteboka mi     Se i gjesteboka mi!