Særmerkte turistar
Gjennom årtidene er det mange frå inn og utland som har gjesta Øye og Norangdal. Etterkvart som kommunikasjonane vart betra, auka turistferdsla med akselererande fart.
Fleire og fleire utlendingar fann vegen til Noreg. Den romantiske filosofien var med å få utlendingane til å strøyme mot norske fjell og fjordar. Nokre av desse gjestene var meir særmerkte enn andre, og sette far etter seg i bygda på ulik måte. Også mange kongelege vitjingar har her vore:
Oversikt over kongelege vitjingar:
1896:
Unionskongen Oscar
II kjem i samband med ei rundreise i landet.
1890-1899:
Keisar Wilhelm
II vitjar Noreg fleire gonger.
1906:
Kong Håkon
7. og Dronning Maud går iland på Øye i samband
med kroningsferda.
1921,
1922, 1930 og 1955: Dronning
Wilhelmina av Nederland er på vitjing. I 1955 var Dronning
Julianna og Prinsesse Beatrix her i samband med Golden Party.
1980:
Kronprinsesse Sonja gjesta bygda i samband med fjelltur på Slogen.
1993:
Silver Cruise. Kong
Harald og Dronning Sonja tok med seg gjester frå dei
europeiske kongehusa i samband med feiringa av sølvbryllaupet.
Andre turistar
I dei åra her har vore drive hotell har det og vore mange av gjestene som har kome att år etter år. Det var tydeleg at dei var glade i bygda, og dei gleid lett inn i bygdemiljøet.
Den mest kjende av dei var engelskmannen C.W. Patchell. Han var fast gjest på hotellet i omlag 50 år. To andre som også var faste stamgjester år etter år var Konsul Thoralf Endresen og Jørgen Grundtvig Olsen.