Skylstad
Raset på Skylstad
6. februar i 1679 kom ei stor snøfonn på Skylstad, Brekkefonna, og sopte mest alle gardane på Skylstad av tuftene. Ein reknar at det omkom 37 menneske i denne fonna. Berre eit tun, Jo-tunet, stod att, men fonna gjekk over fjøs- og lødebygningane.
Drengen på garden tok ein staur og størde gjennom fonnbreden og fjøstaket. Dermed vart buskapen tilført luft og såleis berga. Husa vart flytta lenger mot sjøen og har ikkje sidan vore utsette for særleg "ovafåre",sjølv om dei til tider opplever å bli tilklaka av snø frå vinden frå fonna.
Skylstadgardane i 2001
