Smånytt Lepsøy

SMÅNYTT OG KULTUR FRÅ LEPSØY
		Tekst og foto: IK Kjerstad©2009
		BESØK SIDAN 12/3-07
		E-post: ikk@c2i.net

fredag, 26. juni 2009 16:39: Lettskya og 23°C

LIV INGUNN FYLLER 60 ÅR I DAG - FEIRAR I GEIRANGER! Lepsøy IL fotball www.lepsøy.com

	Fredag: Lett skiftande bris, lettskya og 24°C (kl 12:00) Rekordvarmt på Rønstad: 36,3 - og det i dagtidleg, Trygve? Sol ned kl 23:38		Steingale i Hellevika - Tjuvar har vore på ferde ved Ivergarden *Jonsok*
			NY TRIMPOST ved "Dyringane" - Du får to poeng om du finn posten og skriv deg på!

Vêrstasjonen på Rønstad/Toregarden og HER

Dagens bilde

BARNEHAGEN til Dyringane

Halvspelt for Lepsøy i 5. div. (Lepsøy Stadion, laurdag 13. juni: LEPSØY-RAVN 1-0 (0-0) Med sigeren over Ravn sist laurdag så ligg Lepsøy på 2. plass på tabellen med 13 poeng. Ellingsøy i tet har også 13 poeng, men har to kampar igjen før ferien. Folk på jobb, skadar og sjukdom har gjort at troppa i dei siste kampane har vore merkbart tynnare. Heile åtte mann var ute i siste kampen i høve til opningskampen mot Ellingsøy. Heldigvis så har også tre spelarar kome heim, Erling Hawkes kom til øya seint fredagskvelden og scora like godt sigersmålet mot Ravn nokre timar seinare. I tillegg har Øivind Kåre Kjerstad og Jon Robert Seth Hildrestrand vore med i tre kampar.

15 mann kunne sette seg på grasmatta og juble etter jobbesigeren mot Ravn!

17. mai

Det vart ein flott nasjonal-dag på øya.

Toget like før det svinger ned ved gravstaden

Russ Magnus og Eirik på tipperunde/natursti

På bommen: Lisa har overtaket på Elisabeth her

"Tingvoll" tilbake (Kjerstad 23. april) Vel kl 10 sist måndag så var det full stopp for reserveferja til Tide, "Kvam" vart liggande ved kaia på Skjelten resten av dagen. Reparasjonen av ein lekkasje i eit oljerøyr (?) tok mykje lengre tid enn forventa. For passasjerane så gjekk det stort sett greitt å kome seg til og frå fastlandet og naboøya. Då "Os" for tida er på "service" så måtte Tide leige inn "gamleferja" Tingvoll frå Fjord1, den tok opp ruta frå tirsdag morgon. Mange bilar måtte returnere frå ferjekaiane på Skjelten, Haramsøy og Lepsøy på måndag, bl.a. bilane som skulle hente grovavfall ved ferjekaia på Kjerstad kom seg aldri over fjorden. Ny dato for "skrotbilen" vert måndag 4. mai, frå kl 15.35 til ca 17.50.

SIGER PÅ VESTNES (Varfjell kunstgras, 27. mars: FIKSDAL/REKDAL 1-6 (1-1) Etter ein bra 2. omgang så vart det til slutt ein klar siger til Lepsøy då dei gjesta kunstgrasbana på Vestnes fredag kveld. Geir Seth, Junior Silva (2), Frank Gjerde, Nickolas Hawkes og Alexander Eide ordna scoringane for Lepsøy denne gong. Torsdag så vert det ny treningskamp for A-laget, denne gong på Rogne gras, der ventar heimelaget HaNo.

JULEREVYEN SAMLA FULLT HUS UL Samhald samla godt over 200 personar til årets julerevy på samfunnshuset. Også dansen var godt besøkt. Den unge gjengen hadde eit variert program og stod på i nesten to timar. Bandet "Hestøygutane" stod for både trøkk og saftige tekstar frå scena. Fleire bilder. (28. des.)

Revyen starta i det litt skumle hjørnet, her med dans i røyk og black light

"Kjellen" har nok dei fleste sett før, Rolf Åge klarte seg godt i rolla

Transportproblema var sjølvsagt eit tema under revyen

Fleire kjendisar var innom, også Borat (Magnus Buner)

	Skulen overlever nok, i første omgong Det var fullsett sal og stort engasjement, men det vart ingen dramatikk då Bygdeutvalet inviterte til folkemøte på samfunnshuset onsdag kveld. Ingunn Kjerstad (rep. for foreldra) opna frå talarstolen med eit godt innlegg om kva skulen betyr for øya. I tillegg til budsjettprat så kunne ordførar Bjørn Sandnes (H) og varaordførar Trond Seth (Ap) fortelje at dei ikkje vil gå inn for å legge ned Lepsøy skule, også dei andre politikarane som var tilstades ville at skulen skulle bestå, i alle fall minst eitt år til. (11. okt.)
FULL SAL: Ingunn Kjerstad opna folkemøtet med å fortelje kor viktig det er å behalde barneskulen på øya. Jørgen Kjærstad, Oddny Rekdal, Gunnbjørg Seth og Rune Rønstad tok alle ordet og dei var samde om at utan skule så vil Lepsøy vere eit raskt utdøyande samfunn.		NRK PÅ PLASS: Ordførar Bjørn Sandnes vert her intervjua av Tore Ellingseter frå NRK Møre og Romsdal, men vi har korkje sett eller høyrt eit pip enno	KLAR MELDING: Ein lett oppøst Kjell Seth sa høgt og tydelig kva han meinte om denne saka

Diego Silva delte ut kort og skreiv autografar

Ballbingeopning og opprykk! Det vart ein stor dag for Lepsøy IL på laurdag. I omlag same augneblinken som ballbingen ved skulen vart opna så kom det melding frå kretstinget i Ålesund om at laga i 6. divisjon skal spele i 5. divisjon neste år. Etter at Guttorm Kjerstad hadde sagt nokre om arbeidet med ballbingen så var det Aalesund-spelar Diego Silva (bildet) som stod bak klippinga av det raude bandet som også bestod av fotballstrømper. Grunna litt mykje snø så eigna bingen seg dårleg for fotballspel på laurdag, dermed så var det best å trekkje inn for varme pølser og brød og kaker og kaffi. Festen på samfunnshuset markerte også avslutninga for årets sesong for dei aldersbestemte laga. Lepsøy og Giske fekk altså med seg fleirtalet på tinget til å gå inn for deira forslag om å kutte ut 6. divisjon og gå inn for fleire avdelingar i 5. divisjon. HaNo var ein av dei få klubbane som stemte imot dette. Totalt så var det 36 stemmer for og 11 imot. Dermed så skulle det sportslege tilbodet bli mykje betre i 2009.

JULEBORD Laurdag 6. desember arrangerar idrettslaget årsfest med julebord. Alle som vil kan kjøpe billett til anten heile arrangementet, julebord og dans, eller til berre mat eller berre dans. Living Earth står for dansemusikken utover kvelden. Billettsalet startar på butikkane laurdag 22. november.

Desse 12 vann kake til farsdagen: Merethe Hellevik, Ellinor Othelie Hellevik, Alvhild Kjærstad, Richard Hawkes, Oddvin Gjerde, Øyvind og Eva, Borgny Seth, Norvald Lausund, Ingrid og Arnt, Inger og Per Olav, Eldar Farstad,Torgeir Lausund. Skulekorpset takkar for støtta!

"FRÅ SPØK TIL REVY" Etter eit kvileår så er gjengen i UL Samhald godt i gong med det som skal bli årets julerevy. Allereie i september så var første revymøte, og med fleire møter kvar helg så er det meste av stoffet kome på papiret. Totalt så er rundt 30 unge involvert i revyen som går under arbeidstittelen "Frå spøk til revy". Sidan det var bryllaup på "huset" sist helg så var denne gjengen (bildet) samla på Solvang sist fredag: Jonas Seth Hildrestrand (frå v.), Steffen Rønstad, Alexander Eide, Bjørnar Seth, Bendik H. Valderhaug, Eivind Gjerde, Magnus Seth, Eirik Olaisen Kjerstad, Linda Gjerde, Sunniva K. Seth, Rolf Åge Røsand Lausund, Lillian Kjerstad, Anniken J. Bakke, Egil Seth, Aase Cathrin Seth og Eirik Kjerstad. Så får vi sjå kva det endelege resultatet vert på samfunnshuset 2. juledag. (27. oktober)

16 stk var på Revymøte på Solvang Café fredag 24. okt.

Lepsøydagane 2008 gjekk svært bra, berre vêret laurdag sette ein liten dempar på programmet, spesielt om kvelden. Bilde og meir om "dagane"! (3. sept.) Goaldet Opp: MÅLFOTO FRÅ TOPPEN

GOALDET OPP PÅ 20:36! Runar Korsnes (19) sette ein fantastisk løyperekord på Goaldet Opp, han brukte 20 minutt og 36 sekund frå fotballbana og opp til toppen. Løparen frå Emblem IL slo dermed rekorden frå i fjor med over tre og eit halvt minutt. Han var heilt suveren og slo nestemann med akkurat 3,5 minutt. Nr to vart Martin Hauge-Nilsen frå Ålesund med tida 24:06. Som i fjor så var Klaus Kjerstad "vår" bestemann, han forbetra tida frå i fjor med 27 sekund og vart nr tre. Linda Haram vann dameklassa på 34:20, her var det dessverre heller tynt med deltakarar. Nickolas Hawkes sette også personleg rekord med 25:34 og vart totalt nr 5. Unge Tore Johan Gjerde (enno berre 12 år) hadde også betre tid i år enn i fjor og vart totalt nr 10 med tida 27:34. Med mosjonsklassa så var det omlag 60 personar som deltok i årets Goaldet Opp. (30. aug.)
	ÅLEINE TIL TOPPEN: Runar Korsnes var suveren i årets Goaldet Opp	PREMIEUTDELING: Korsnes fekk premie og pokal på toppen, Magne Haugen til venstre