Speiding i 100

Kretsleir 2007 - Fitjar

 

Mange i Hordaland krins og Ryvarden krets har sikkert har fått med seg at kretsane også denne gongen vil samarbeide om kretsleir. I dette fyrste informasjonsskrivet vil du finna det meste du foreløpig treng å veta om leiren.

 

Her er litt fakta om leiren:

Motto:                        Speiding i 100

Tid:                            30. juni – 7. juli 2007

Stad:                           Fitjar

Pris:                            kr. 1200,-

Nettstad:                   www.kretsleir.no

 

 

Speiding i 100

Grunnen til at leiren har fått mottoet ”Speiding i 100”, er at det i 2007 er 100 år sidan den fyrste speidarleiren. Robert S. S. Baden-Powel i ettertid kjend som Lord Baden-Powel, samla 22 unge gutar til eit ni dagar langt opphald på Brownsea Island. Er det noko dato som kan kallast speidarrørsla sin bursdag, så er det den niande og siste dagen av opphaldet på Brownsea Island – 7. august 1907. Heile kretsleiren på Fitjar vil bere preg av at det er 100 år sidan speidarrørsla tok til for fullt, noko som vil gje utslag i blant anna leirvalutaen, leirlogoen og leiravisa. Vidare vil leiren ha preg av fart og morro, slik det passar seg for noko som gå i 100!

 

 

Førehandspåmelding

Frist for førehandspåmelding er 1. desember 2006. Denne påmeldinga kostar kr. 150,- pr. stk. Meir informasjon om dette kjem ut før fristen går ut, men det kan vera lurt at gruppene skaffar seg ein viss oversikt over kven som er interessert i å vere med allereie no. Etter kvart vil det trengast gode hjelparar til leiren. Dei som allereie no har ønsker, kan kontakta leirkomiteen.

 

 

Program og førehandsoppgåve

Førehandsoppgåva er å laga ein speidarstav. Om speidarstaven skriv Lord Baden-Powel:

 

Speiderstaven er en meget nyttig og uunnværlig detalj i speiderutstyret. Flere staver som er bundet sammen, kan brukes som bro over bekker, de kan brukes til flaggstenger og en helmasse andre ting. De er gode å ha hvis speiderne skal danne en kjede for å holde tilbake en menneskemasse, og de kan brukes til bårer eller bære utstyr på.

 

Derfor er speidarastaven blitt førehandsoppgåve til kretsleiren i 2007. Premiering for utførd førehandsoppgåve vert eit metallmerke til å festa på staven. Speidarstaven skal alle speidarane ta med på leiren. Vidare vil alle øktene ha kvart sitt metallmerke som speidarane får etter at dei har gjennomførd økta. Metallmerka er meint til å festa på staven. Nærare informasjon om førehandsoppgåva vil koma på www.kretsleir.no. Det er viktig at troppsleiar følger opp dette, samstundes som arbeidet med speidarstaven kan vere eit godt utgongspunkt for patruljemøter eller troppsmøter. Programmet for leiren er ikkje heilt klart, men det vil bli SPEIDING I 100 med blant anna sjøaktivitetar. Allereie no oppfordrar me speidargrupper med kanoar å planlegge å ta desse med seg på leiren. Leiren vil også ha småspeidarleir fyrste helga.

Leirlogo

Leirlogoen skulle etter planen vore klar, men speidarstyret sitt vedtak om nytt forbundsmerke og no tilbaketrekkinga av den nye logoen gjer at arbeidet med kretsleirlogoen tek litt lengre tid. Så snart logoen er klar vil han bli presentert på www.kretsleir.no.

 

 

Nettstad

Mange har allereie vore innom å besøkt kretsleiren si eiga heimeside på www.kretsleir.no. Her vil ein finna all naudsynt informasjon om både leiren og førebuingane til denne. I tillegg har sida eit diskusjonsforum der ein kan kommunisera med andre som skal på leir. Røystingar og spel er andre aktivitetar som ein finn på www.kretsleir.no. Under leiren vil funksjonane til nettstaden auke. Her vil ein finna bilete frå leiren, leiravisa og vermeldinga for kommande dag. Oppfordringa frå leirstaben er klar: bruk www.kretsleir.no!

 

 

Fitjar

Leirstaden er Breivik like nord for Fitjar sentrum, altså på nordvestre delen av Stord-øya. Om sjølve leirplassen kan ein seia at det er eit stort jorde som skrånar svakt ned mot sjøen. Området rundt ligg til rette for både sjø- og fjellaktivitetar. Går ein inn på www.kretsleir.no ligg det bilete frå plassen.

 

 

Leirkomiteen

Leirkomiteen har arbeida sidan april i år, og består av følgande personar:

 

Leirsjef:                                 Ragnar Pettersen                    Hordaland

Program/viseleirsjef:           Tove Midtskog                       Ryvarden

Intendantur:                         Bjørn Helland                         Hordaland

Media/informasjon:             Svein Magne Jørgensen           Ryvarden

Service:                                  Audun Økland                                   Ryvarden

Økonomi:                              Sidsel Gjerde                          Hordaland

 

 

Kontaktinformasjon

Har du noko du lurar på kan du gå til www.kretsleir.no, kontakte leirsjef Ragnar Pettersen (mob: 952 72 424. E-post: leirsjef@kretsleir.no). eller infoetaten v/Svein Magne Jørgensen (mob: 928 05 866. E-post: info@kretsleir.no)