Førde Pinsemenighet

- er ei kyrkje som seier JA til:
Liv - Glede - Fridom - Jubel og Song
Jesus, som har opna ein veg for oss til Gud
God forkynning frå Bibelen som er Guds ord til oss
Eit fellesskap som byggjer på den kjærleiken som Gud har vist oss

For så høgt har Gud elska verda at Han gav Son sin, den einaste,
så kvar den som trur på han ikkje skal gå fortapt, men ha evig liv!

VELKOMMEN TIL PINSEKYRKJA

Førde Pinsemenighet ynskjer deg velkommen til eit mangfaldig og varmt fellesskap. Det er folk i alle aldrar på møta, og vi pleier å vere kring 20 personar samla. Elles har vi bibelgruppe kvar måndag og bønnemøte kvar onsdag. Vær velkommen til å stikke innom pinsekyrkja i Førde. Vi vil gjerne vere ein åndeleg heim for deg, og håper du finn deg til rette!

[ Møteplan for våren 2004 ]

Dette skjer i menigheten

Vi har møte kvar veke:
¤ Gudsteneste annakvar søndag i Evangeliehuset, Bruland
¤ Husfellesskap kvar måndag klokka 19:30
¤ Bønnemøte kvar torsdag kl.19 i Evangeliehuset, Bruland
(200 meter forbi matbutikken på Bruland- lite kvitt hus på nedsida av vegen)
Det hender óg at vi har gjestetalarar frå inn- og utland, og team med folk som syng, dansar, spelar eller har drama. Du finn programmet vårt for våren 2003 [her]
Møta vert alltid annonsert med tid og stad i lokalavisa. (Bønemøta blir ikkje annonsert.)

Starta i 1948

Førde Pinsemenighet vart starta i 1948. Vi ynskjer ynskjer å vere ei opa og karismatisk menighet. Vi står på det bibelsynet som har kjenneteikna pinserørsla sidan den kom til Noreg for over 90 år sidan, men vi ynskjer å vere opne for det som Gud gjer i vår tid. Vi trur at etablerte menigheter også kan få del i den fornyinga som går over store delar av verda. Pinserørsla er det største frikyrkjelege trussamfunnet i Noreg.

Vi trur at Jesus er Guds son

På same måten som Den norske kyrkja trur vi på Bibelen som Guds Ord, men i motsetning til Kyrkja har vi eit baptistisk dåpssyn, med full neddykking av den som vedkjenner trua på Jesus Kristus som Herre.

Vi har også som Kyrkja den same felles kristne tru på ein treeinig Gud, det er Faderen, Sonen og Den Heilage Ande. Dette skil oss frå Jehovas Vitner og Mormonerane.

Vi trur at alle menneske er rekna med i Guds store plan for å frelse verda. Men alle må sjølv velje å ta imot frelsa som ei personleg gåve frå Gud.

Du må sjølv tru på Jesus, og at han døydde og stod opp att for at du skal få tilgitt syndene dine.